18 лістапада адзначыла прыгожую дату юбілею Ніна Андрэеўна Шэрая, яна ўзначальвала прафсаюзную арганізацыя Гродзенскага РУП«Фармацыя» на працягу дзесяці гадоў, з 2009 па 2019 год. Цяпер Ніна Андрэеўна працуе правізарам-рэцэптарам у аптэцы №223 г.Гродна.
У святочны дзень павіншаваць імянінніцу прыйшлі калегі і сябры, з якімі яна працавала шмат гадоў. І цудоўныя яркія букеты толькі падкрэслівалі элегантнасць, стыль, прыгажосць імянінніцы.
Варта сказаць, што невычэрпны запал, аптымізм, уменне бачыць толькі добрае і радавацца жыццю заўсёды адрознівалі гэту чароўную кабету.
Нарадзілася Ніна Андрэеўна 18 лістапада ў в.Яруцічы Слонімскага раёна Гродзенскай вобласці. У школе актыўна брала ўдзел у грамадскім жыцці, абіралася старшынём піянерскай дружыны, вяла школьныя вечары, нязменна брала ўдзел у школьных і раённых алімпіядах па розных прадметах, школу скончыла з адзнакай. І ўжо тады была лідарам, умела пастаяць і за сябе, і за іншых.
У 1977 годзе паступіла ў Магілёўскую медыцынскую вучылішча на фармацэўтычнае аддзяленне, пасля сканчэння была накіравана на працу ў аптэку №12 г.п. Жалудок, дзе з першых дзён проста закахалася ў сваю працу, і з гадамі гэта беражлівае і трапятлівае дачыненне да прафесіі не толькі не падтупілася, але і ўзрасло. У 1982 годзе паступіла на завочнае аддзяленне фармацэўтычнага факультэта Віцебскага медуніверсітэта, навучанне сумяшчала з працай у аптэцы і выкладаннем фармакалогіі і лацінскай мовы ў Жалудоцкай медыцынскай вучылішчы. І зразумела, што дарыць веды, выступаць перад аўдыторыяй,- яе справа, таму перайшла на працу штатным выкладнікам. З 1997 году загадвала аддзяленнем вучылішча. Потым была праца старэйшым правізарам і старшынём першаснай прафсаюзнай арганізацыі ЦРА №6 Шчучынскага раёна. У лютым 2008 года была абрана на пасаду старшыні першаснай прафсаюзнай арганізацыі ЦРА №146 Лідскага раёна.
У 2009 годзе была абрана Старшыней Першай прафсаюзнай арганізацыі Гродзенскага РУП «Фармацыя». І на кожнай пасадзе Ніна Андрэеўна выконвала працу на самым высокім роўні.
І цяпер, гледзячы ў зіхатлівыя вочы Ніны Андрэеўны, іскрысты гумар, энергію і натхненне, мімаволі дзівішся выдатным якасцям імянінніцы. Мы шчыра жадаем Ніне Андрэеўне моцнага здароўя, больш радасці, гармоніі ва ўсім і больш нагод для гонару.
