Паводле дадзеных Сусветнай арганізацыі аховы здароўя ў 20-м стагоддзі тытунь спрычыніўся 100 мільёнам выпадкаў смерці. Пры захаванні цяперашніх тэндэнцый у 21-м стагоддзі з-за яго адбудзецца да аднаго мільярда выпадкаў смерці. Тытунь забівае да паловы ўжывалых яго людзей. Кожныя 6 секундаў з-за тытуню памірае прыкладна адзін чалавек. Штогод тытунь прыводзіць амаль да 6 мільёнаў выпадкаў смерці, з якіх больш за 5 мільёнаў выпадкаў адбываецца сярод спажыўцоў і былых спажыўцоў тытуню, і больш за 600000 — людзей, якія падпадаюць уплыву другаснага тытунёвага дыму. Другасны тытунёвы дым — гэта дым, што запаўняе рэстараны, офісы ці іншыя зачыненыя памяшканні, дзе людзі кураць. У тытунёвым дыме прысутнічае больш за 4000 хімічныя рэчывы, з якіх, па меньшай меры, 250 вядомы як шкодныя, а больш за 50 як канцэрагены. Бяспечнага роўня ўплыву другаснага тытунёвага дыму не існуе. Сярод сталых людзей другасны тытунёвы дым выклікае сур'ёзныя сэрцава-сасудзістыя і рэспіраторныя захворванні, уключаючы ішэмічную хваробу сэрца і рак лёгкіх. У цяжарных кабет ён прыводзіць да народзінаў дзяцей з нізкай масай цела. Амаль палова дзяцей рэгулярна дыхаюць паветрам, забруджаным тытунёвым дымам у месцах грамадскага карыстання. Больш 40% дзяцей маюць, па меньшай меры, аднаго з бацькоў, які курыць. Паводле дадзеных Міжнароднага саюза па змаганні з ракам сёння 30% усіх выпадкаў смерці ад раку звязаны з курэннем. Скарачэнне спажывання тытуню напалову дасць магчымасць захаваць 170 мільёнаў жыццяў да 2050 года.
Па матэрыялах Міністэрства аховы здароўя Рэспублікі Беларусь