C моманту сканчэння навучальнай установы і да пачатку працы на першым працоўным месцы былыя выпускнікі і будучыя маладыя спецыялісты, зазвычай, паспяваюць перабраць у галаве разнастайныя сцэнарыi развіцця падзей і атмасферу сустрэчы ў калектыве. Наш новы герой артыкула, Скерсь Вадзім Міхайлавіч, правізар-інтэрн цэнтральнай міжраённай аптэкі №146 Лідскага раёна пачаткова быў настроены вельмі аптымістычна, а што з гэтага выйшла, ён расказаў сам у інтэрв'ю старшынi першаснай прафсаюзнай арганізацыі Гродзенскага РУП «Фармацыя» Жытко Марыі Аляксандраўны:
- Калектыў аптэкі вельмі малады, жывы, актыўны, вельмі энергічны, таму і ўражанні ад першага працоўнага меcца толькі самыя лепшыя!
Я скончыў Віцебскі дзяржаўны Ордэны Дружбы народаў медыцынскі ўніверсітэт у 2023 годзе і вырашыў прыехаць на працу ў г.Ліда, бо родам з Лідскага раёна, аг. Пескаўцы. Адразу хацеў пачаць дзейнасць у вельмі буйнай аптэцы, з вялікім калектывам,- у першых, заўсёды ёсць у каго спытаць незразумелае пытанне (смяецца), а другое, вядома, можна атрымаць вялікі вопыт, бо спектр работ у цэнтральнай міжраённай аптэцы, вельмі разнастайны, а ў трэціх, працаваць у вялікай аптэцы проста цікава. Да майго здзіўлення, нават наведнікі ўспрынялі новых незнаёмых спецыялістаў вельмі ветла і прыязна.
Складанасці, вядома, ёсць, асабліва ўлічваючы тое, што ў аптэцы рыхтуюць лекавыя прэпараты па рэцэптах лекараў, але я хутка вучуся, і калегі ўсяляк мне дапамагаюць і не пакідаюць аднаго!