Ранняя мяккая восень – гэта заўсёды вельмі прыгожа. Сонца па-ранейшаму напаўняе цяплом, але не апякае, паветра і прырода пагружана ў дзіўную, непаўторную атмасферу, далікатную і чуллівую.
Пэўна што, такі асаблівы стан ранняй восені адлюстроўваецца і ў характары людзей, народжаных гэтай выдатнай парой года. Яны спагадныя і добра адчуваюць эмацыйны стан іншых людзей, уважлівыя і разважлівыя, спакойныя і ўдумлівыя, адказныя і душэўныя.
Менавіта ранняй восенню, 11 верасня, цёплым вераснёвым днём у 1971 годзе ў маляўнічай вёсачцы Пасекі Ваўкавыскага раёна з'явілася на свет Ганна Антонаўна Здановіч, правізар-інспектар арганізацыйна-фармацэўтычнага аддзела Гродзенскага РУП «Фармацыя».
Пасля сканчэння ў 1988 годзе сярэдняй школы №2 г.Ваўкавыск, год прапрацавала санітаркай бактэрыялагічнай лабараторыі ў раённай санэпідстанцыі, потым паступіла на фармацэўтычнае аддзяленне Магілеўскага медыцынскага вучылішча, пасля сканчэння якой адразу паступіла на фармацэўтычны факультэт Віцебскага медыцынскага інстытута. Са жніўня 1996 года і па сапраўдны дзень Ганна Антонаўна працуе правізарам-інспектарам арганізацыйна-фармацэўтычнага аддзела. Высокі ўзровень прафесіяналізму, аналітычнае мышленне, працавітасць, арганізаванасць, зычлівасць і высокія патрабаванні да сябе,- усе гэтыя якасці Ганны Антонаўны няраз адзначалі і калегі, і блізкія сябры.
11 верасня маладую і прыгожую Ганну Антонаўну Здановіч віншавалі з цудоўнай юбілейнай датай. Супрацоўнікі, не стамляючыся, адзначалі яе прыгажосць, спакой, дабрыню і спагадлівасць, адказнасць і пэўнасць прадпрыемству, уменне даводзіць кожную пачатую справу да лагічнага завяршэння, здольнасць знаходзіць правільныя адказы на разнастайныя пытанні, гатовасць прыйсці на дапамогу не толькі словам, але і справай.
Мы шчыра жадаем Ганне Антонаўне моцнага здароўя, больш радасных падзей, невычэрпнага аптымізму, натхнення і бляску у вачах!
