Калі да Вас яшчэ не прыйшоў святочны настрой, тады вось…
Больш за пяцьсот!!! казачных герояў 14 снежня прайшлі маршам па галоўных вуліцах Горадні. Такая гледная імпрэза ўжо стала традыцыйным для абласнога цэнтра. Штогод у ім бяруць удзел усё больш і больш незвычайных персанажаў. У гэты раз гонар запаліць Навагоднюю елку на Савецкім пляцы дасталася галоўнаму знаку года – Мышы.
Сярод усіх удзельнікаў парада адменным святочна-здаровым настроем вылучаліся Дзед Мароз і Снягурка, створаныя супрацоўнікамі Гродзенскага РУП «Фармацыя». Яны з задавальненнем рабілі вясёлыя сэлфі і фота з дзецьмі і сталымі, раздавалі салодкія падарункі і дарылі яркія жывыя эмоцыі гараджанам. Госці і жыхары віталі чароўных удзельнікаў гучнымі апладысментамі і смехам.
Кульмінацыяй стаў грандыёзны флэшмоб, які адной хваляй прывёў у рух удзельнікаў свята. Танцавалі ўсе – ад малая да веліка!
І, нягледзячы на няўціхлы дождж, шоу атрымалася запальным і яркім. А маляўнічая ілюмінацыя, цікавыя героі на вуліцах горада напаўнялі навагоднім настроем гасцей і жыхароў абласнога цэнтра і дарылі сапраўдныя дадатныя эмоцыі і пазітыў!
