Штогод 14 лістапада асаблівую ўвагу медыкаў усяго свету прыцягнута да праблемы цукровага дыябету. Бо менавіта гэты дзень прызнаны днём барацьбы з такім сур'ёзным і небяспечным захворваннем.
Аптэкі Гродзенскага РУП "Фармацыя" і Гродзенскае аддзяленне РГАФР «ФАРМАБЕЛ» вырашылі не заставацца ў баку і правесці інфармацыйна-асветніцкія мерапрыемствы, накіраваныя на павышэнне ўзроўню інфармаванасці насельніцтва аб праблеме цукровага дыябету і звязаных з ім ускладненняў.
У рамках мерапрыемства будуць арганізаваны тэматычныя выставы, кансультацыі медыцынскіх і фармацэўтычных работнікаў, а таксама прадстаўнікоў вытворцаў лекавых сродкаў, біялагічна актыўных дабавак і медыцынскай тэхнікі.