13 ліпеня 2019 года ветэран аптэчнай службы, Хартановіч Любоў Пятроўна, былая загадчыца аптэкі №119 г.Гродна, сустрэла свой 60-гадовы юбілей. Сваю працоўную дзейнасць Любоў Пятроўна пачынала ў далёкім 1978 годзе на пасадзе фармацэўта аптэкі 2-ой клінічнай бальніцы г. Гродна.
З 29.07.1985 года была пераведзена на пасаду загадчыка аддзела гатовых лекавых формаў аптэкі №1 г.Гродна. З 1996 года па 2006- намеснік загадчыка аптэкі №1 г.Гродна, з 2006 па 2018- загадчыца аптэкі №119 г.Гродна.
Хартановіч Любоў Пятроўна адбылася як высакакласны спецыяліст, мудры, пісьменны кіраўнік. За свае працоўныя заслугі была адзначана шматлікімі ўзнагародамі, ўдастоена высокага звання «Выдатнік аховы здароўя".
А яшчэ Любоў Пятроўна - кахаючая жонка, клапатлівая мама, і самая лепшая ў свеце бабуля. Разам з мужам, Віктарам Сцяпанавічам, выхавалі дзвюх дачок. Алена Віктараўна - спецыяліст у галіне інфармацыйных тэхналогій, Вікторыя Віктараўна працуе ў сферы культуры, а сам Віктар Сцяпанавіч многія гады працуе на прадпрыемстве «Белкард». Унук Уладзіслаў, 18 гадоў - студэнт хіміка-тэхналагічнага каледжа, унучка Валерыя, 8 гадоў - творчы чалавек, спявае, паступіла ў музычную школу. Талентам вакальнага мастацтва валодаў бацька Любові Пятроўны, яго гены перадаліся ўнучцы і праўнучцы.
У працоўнай дзейнасці Хартановіч Л.П. былі розныя перыяды: і маленькія зарплаты, і пустыя паліцы па аптэках, і адкрыццё аддзелаў «кансігнацыі», часы «перабудовы». Але Любоў Пятроўна ніколі не змяніла Гродзенскай Фармацыі, заўсёды карысталася заслужаным аўтарытэтам сярод калегаў па працы і наведвальнікаў аптэкі.
17 ліпеня ў кабінет гісторыі аптэчнага справы на Гродзеншчыне ветэрана аптэчнай службы, Хартановіч Любоў Пятроўну, з 60-гадовым юбілеем прыйшлі павіншаваць кіраўнікі Гродзенскага РУП "Фармацыя" - намеснік генеральнага дырэктара Зарэцкая Таццяна Аляксандраўна, намеснік генеральнага дырэктара Ляпешка Марына Лявонцьеўна, старшыня першаснай прафсаюзнай арганізацыі - серая Ніна Андрэеўна, а таксама загадчыкі аптэкамі г.Гродна. Шмат цёплых слоў было сказана ў адрас Любові Пятроўны, і яна заслугоўвае такога павагі з боку кіраўніцтва і калег, і даказала гэта сваім прыкладам у працы і ў сямейным жыцці. А яшчэ, у Любові Пятроўны вельмі смачныя піражкі з грыбамі і капустай, якія яна падрыхтавала для нас, дзякуй ёй за гэта, гаспадыня яна хвацкая.
Мы яшчэ раз віншуем Любоў Пятроўну з юбілеем і жадаем ёй моцнага здароўя, шчасця, дабрабыту ў сям'і, а з лістападаўскімі замаразкамі зноў быць у радах працуючых спецыялістаў Гродзенскага РУП "Фармацыя", так як залог поспеху любога калектыву - гэта сімбіёз мудрасці прафесіяналаў і мэтанакіраванасці, энергіі маладых спецыялістаў.
Старшыня першаснай
ветэранскай арганізацыі
Гродзенскага РУП «Фармацыя»
З.И.Побярэжная