Выдатна, што ў нашым няпростым свеце ўсё яшчэ ёсць тыя, хто здольны на бескарыслівасць і высакародныя парывы. Дапамога дзецям-сіротам з'яўляецца адным з самых пашыраных спосабаў дабрачыннасці. Сапраўды, як можна застацца безуважным і не падаць руку дапамогі маленькім дзецям, якія засталіся без бацькоў, асаблівае дзецям, якія маюць праблемы са здароўем.
Калектыў аптэкі №134 г.Гродна напярэдадне Каляд і Новага Года вырашыла падарыць часцінку дабра маленькім пастаяльцам Гродзенскага спецыялізаванага Дома дзіцяці для дзяцей з арганічнымі паразамі цэнтральнай нярвовай сістэмы. Гэта дзеці з цяжкім лёсам з самых сваіх народзінаў, бо апынуліся ў гэтым Доме ў выніку адмовы сваіх бацькоў ужо ў перынатальным цэнтры.
Каб пацешыць малых (і персанал) мы сабралі самае патрэбнае, што трэба гэтым малюткам, якім не больш за тры гады з роду: смочкі, прысыпку, пялюшкі і перадалі ўсё гэта галоўнай медсястры Мароз Ніне Віктараўне, якая ўжо больш трыццаць гадоў працуе з гэтымі малымі.
Мы спадзяёмся, што сваім сціплым прыкладам натхнім да дзеяння і іншыя аптэчныя калектывы, бо дапамагаць дзецям - гэта так проста! Не трэба адмыслова хадзіць па крамах і марнаваць час у пошуках прыдатных рэчаў, бо ўсё, што ім патрэбна, вы можаце знайсці на палках сваіх аптэк. І няхай мы не вырашым галоўную праблему Дамоў дзіцяці — не падорым дзіцяці новую сям'ю, але мы можам хоць бы ледзь - ледзь палепшыць іх жыццё. Наступную акцыю мы плануем правесці да Дня засцярогі дзяцей — 1 чэрвеня. Далучайцеся!
Ларыса Цымбалістая, кіраўнік аптэкі №134 г.Гродна,
Яўген Рыдэль, правізар-рэцэптар, прафгрупорг аптэкі №134 г.Гродна