Сёння адна з цэнтральных аптэк горада Гродна, аптэка №1, напоўнілася вясёлым дзіцячым смехам. І для гэтага ёсць выдатная нагода. Дабрачынная акцыя «Елка здароўя», якая для нашага прадпрыемства ўжо стала традыцыйнай, скончылася ўрачыстай імпрэзай.
На свята прыйшлі ганаровыя госці — Бабыр Ігар Міхайлавіч, кіраўнік адміністрацыі Ленінскага раёна г.Гродна, Баравік Віталь Рыгоравіч, генеральны дырэктар Гродзенскага РУП «Фармацыя», Раўлушэвiч Ірына Эдмундаўна, кіраўнік спраў адміністрацыі Ленінскага раёна г.Гродна, Зарэцкая Таццяна Аляксандраўна, намеснік генеральнага дырэктара Гродзенскага РУП «Фармацыя». Ну, і, вядома, самыя цудоўныя дзеткі і дарослыя!
Акцыя «Елка здароўя» штогод збірае неабыякавых супрацоўнікаў прадпрыемства, а таксама наведнікаў аптэк, якія цягам некалькіх тыдняў збіралі патрэбныя вітамінава-мінеральныя комплексы, сродкі гігіены, медычныя вырабы, каб перадаць іх тым, хто ў святы асабліва мае патрэбу ва ўвазе. У імпрэзе прынялі актыўны ўдзел не толькі аптэкі г.Гродна, але і цэлай вобласці, кожны ўнёс свой унёсак і стаў яшчэ адным звяном у ланцужку дабра.
У рамках свята Ордэнам Маці былі ўзнагароджаны мамы, якія выхавалі пяць і больш дзяцей. Таксама сабраныя падчас акцыі падарункі былі перададзены мнагадзетным сем'ям, Гродзенскаму абласному сацыяльна-педагагічнаму цэнтру, Гродзенскаму Дому дзіцяці.
Выказваем словы велізарнай падзякі калектыву прадпрыемства за тое, што гэта выдатнае чараўніцтва стала магчымым!
