27 мая адна з самых вядомых аптэк у горадзе - аптэка №131 Гродзенскага РУП «Фармацыя» адзначыла паўвекавы юбілей!
Аптэка №131 дзяржаўнай аптэчнай сеткі першая сустракае гасцей горада, бо яна размешчана непасрэдна насупраць чыгуначнага вакзала! Аптэка была адкрыта ў 1974 годзе па адрасе – вул.Ажэшка, 42. Першай загадчыцай аптэкі на працягу 16 гадоў была правізар Чаравач Алена Аляксандраўна.
У снежні 1975 года аптэка прыняла першых навучэнцаў для праходжання вытворчай практыкі. Аптэка 34 гады займалася вырабам экстэмпаральных лекавых форм. Напрыклад, для абласнога скурна-венералагічнага дыспансера рыхтавалі вялікія аб'ёмы (да 50 кг) і значны асартымент мазяў. Ветэраны працы ўспамінаюць, што рыхтавалі столькі лекаў, што аптэку можна было параўнаць з «міні- заводам».
У 1990 эстафету кіраўніцтва падхапіла нястомная і энергічная Цярэшка Данута Вячаславаўна. З яе пачыналася развіццё камп'ютарнай сеткі – аптэка №131 першая ў горадзе арганізавала работу з даведачным цэнтрам Гродзенскага РУП «Фармацыя». Пад яе кіраўніцтвам адкрыўся ў 2003 годзе начны аддзел.
З 2004 года аптэкай загадвае Вікторыя Уладзіміраўна Арэхава, граматны і высокакваліфікаваны кіраўнік, у перыяд кіраўніцтва якога аптэка дасягнула высокіх вынікаў дзейнасці. І сёння аптэку насупраць чыгуначнага вакзала ведаюць усе, звярнуцца сюды па дапамогу можна ў любы час сутак і ў любы дзень, уважлівыя спецыялісты заўсёды падкажуць і дапамогуць парадай і кансультацыяй.
У свой юбілей аптэка №131 г.Гродна прымала віншаванні. Цёплымі і душэўнымі былі словы выступоўцаў: генеральнага дырэктара Баравіка Віталя Рыгоравіча, намеснікаў генеральнага дырэктара Зарэцкай Таццяны Аляксандраўны і Ляпёшкі Марыны Лявонцьеўны, старшыні першаснай прафсаюзнай арганізацыі Жытко Марыі Аляксандраўны, калег са структурных падраздзяленняў прадпрыемства, і, вядома, заслужаных ветэранаў.
Калектыў аптэкі парадаваў гасцей цікавымі і незвычайнымі творчымі нумарамі, яркай музыкай і пазітыўным настроем.
Мы ад усёй душы жадаем аптэцы росквіту, дасягненні ўсіх вызначаных мэт і самага моцнага здароўя!