«Цяпер знайсці патрэбныя лекі стане яшчэ зручней», – падзяляецца ўражаннямі наведнік новай утульнай аптэкі Гродзенскага РУП «Фармацыя» №113 па адрасе вул.Кабяка,8Б-2, – «вельмі добра, што аптэка адкрылася проста ў краме, прыйшоў за набыткамі і адразу купіў усё, што трэба».
Сёлета гэта другая аптэка Гродзенскага РУП «Фармацыя» у горадзе, якая адкрыла свае дзверы.
Паводле слоў генеральнага дырэктара Сяргея Уладзіміравіча Літоша, галоўным заданнем прадпрыемства з'яўляецца ўчаснае забеспячэнне лекавымі сродкамі насельніцтва. Таму новыя аптэкі адкрываюцца менавіта там, дзе зручна людзям. Гэта, перадусім, гандлёвыя аб'екты, арганізацыі аховы здароўя.
Загадніца аптэкі №113, правізар Хаціневіч Надзея Міхайлаўна, адзначае, што наведнікаў пацешыць шырокі асартымент лекавых сродкаў, біялагічна актыўных дадаткаў да ежы, тавараў аптэчнага асартыменту. Уважлівыя фармацэўтычныя адмыслоўцы гатовы адказаць на ўсе пытанні па наяўнасці лекавых сродкаў, пракансультаваць пра правілы ўжыванні і захоўванні іх у хатніх умовах, а таксама азнаёміць з інфармацыяй пра прафілактыку захворванняў і здаровага ладу жыцця.
У новай аптэцы можна набыць лекавыя сродкі па электронных рэцэптах, дзее праграма лаяльнасці «Моцная карта» і дысконтавая праграма «City Pass Belarus».
Для тых, хто асцярожна ставіцца да свайго часу, шануе камфорт і выгоду, на сайце Гродзенскага РУП «Фармацыя» farmacia.by можна адшукаць патрэбны лекавы сродак у аптэках горада і вобласці, а таксама забраняваць яго ў прыдатнай аптэцы. Па кароткім нумары 169 можна задарма атрымаць самую верагодную і дакладную інфармацыю пра наяўнасць сродкаў у аптэках. Паслуга даступная для абанентаў Белтэлекам, сетак MTC і А1.
