Сусветная арганізацыя аховы здароўя (САЗ) заснавала адмысловы дзень, прысвечаны ахове здароўя вуха і слыху. Штогод ў сакавіку адзначаецца Міжнародны дзень аховы здароўя вуха і слыху (International Day for Ear and Hearing).
На сённяшні дзень страта слыху лічыцца самай пашыранай сэнсорнай формай інваліднасці ў свеце. Паводле дадзеных САЗ, ад глухаты і парушэнняў слыху пакутуюць прыкладна 360 мільёнаў чалавек. Асноўнымі прычынамі глухаты і глухаватасці (няпоўнай страты слыху) завуць генетычныя парушэнні, хранічныя інфекцыі юха, шэраг захворванняў: краснуха, адзёр, заўшніца, менінгіт, — а таксама ўплыў некаторых лекавых прэпаратаў і шкодных фактараў навакольнага асяроддзя, перадусім, шуму.
На думку медыкаў, каля паловы ўсіх выпадкаў глухаты і іншых парушэнняў слыху можна запабегчы, ухіліўшы прычыны іх развіцця. У ліку прэвентыўных мер найчасцей завуць імунізацыю насельніцтвы, ахову здароўя маткі і дзіцё, забеспячэнне гігіены працы. Апроч таго, лекары даюць рады бацькам. У прыватнасці, рэкамендуецца сачыць, каб у вушы дзіцяці не трапляла брудная вада; навучаць дзяцей не ўстаўляць у вушы чужыя прадметы; у выпадку якіх-небудзь трывожных сімптомаў неадкладна звяртацца ў шпіталь. Усё большую турботу ў медыкаў выклікае ўсё большы ровень уплыву гучных гукаў у культурна-забаўляльных і спартовых установах, такіх як начныя клубы, дыскатэкі, пабы, бары, кінатэатры, канцэртавыя залы, стадыёны і нават фітнэс-цэнтры. Сучасныя тэхналогіі робяцца ўсё больш пашыранымі, і часцяком такія ўстройствы, як аўдыяплэеры, выкарыстоўваюцца для праслухоўвання музыкі з небяспечнымі роўнямі гучнасці і цягам працяглага перыяду часу. Рэгулярны ўплыў гучных гукаў стварае сур'ёзную пагрозу развіцця незваротнай страты слыху. Па ацэнках САЗ, 1,1 мільярда маладых людзей у свеце могуць быць схільныя рызыцы страты слыху з-за небяспечнай практыкі слухання. Больш за 43 мільёны чалавек у веку 12-35 гадоў па розных прычынах маюць страту слыху, што прыводзіць да інваліднасці. Таму САЗ у супрацы з партнёрамі ўсяго свету папярэджвае маладых людзей і іх сем'і пра рыскі страты слыху пад уплывам шуму.