У маладым прыгожым мікрараёне Грандзічы у Гродна адкрылася першая аптэка, ёю стала аптэка Гродзенскага РУП «Фармацыя». Ва ўрачыстай цырымоніі адкрыцця ўзялі ўдзел кіраўнік адміністрацыі Ленінскага раёна г.Гродна Ігар Міхайлавіч Бабыр, намеснік кіраўніка адміністрацыі Ленінскага раёна Аляксандр Міхайлавіч Коўш, намеснік генеральнага дырэктара Гродзенскага РУП «Фармацыя» Таццяна Аляксандраўна Зарэцкая, госці са структурных падпадзелаў і аптэк прадпрыемства.
Аптэка №52 утульна размясцілася ў будынку дзіцячай амбулаторыі па адрасе вул.Віктара Саяпіна, 10-86.
Уважлівыя і кваліфікаваныя спецыялісты Арцём Рамуальдавіч Квінто і Ніна Андрэеўна Шэрая не толькі дапамогуць выбраць патрэбны сродак для лячэння і прафілактыкі захворванняў, але і пракансультуюць па пытаннях захоўвання лекавых прэпаратаў у хатніх умовах і рацыянальнага самалекавання.
У гонар адкрыцця цягам пяці дзён даецца зніжка да 5% усім пакупнікам на ўвесь асартымент.
