- Мы сёння ўсталі ў 4 раніцы спецыяльна, каб прыехаць на фэст. Калі сумленна, нават не заўважылі, што рана, бо «Фармацыя без меж» заўсёды праходзіць у пазітыўнай атмасферы, тут заўсёды шмат камунікавання, новыя знаёмствы, цікавыя конкурсы і квэсты!- дзеліцца ўражаннямі Ганна Мар'янаўна Станкевіч, эканаміст цэнтральнай раённай аптэкі №99 Смаргонскага раёна,-
Сапраўды, фэст «Фармацыя без меж» з'яўляецца знакавым для Гродзенскага РУП «Фармацыя». Ён збірае супрацоўнікаў дзяржаўнай аптэчнай службы Гарадзеншчыны ўжо не першы год. Сёлета свята стала юбілейным, пятым, і па-сапраўднаму маштабным. Больш за сто супрацоўнікаў прадпрыемства, маляўнічае месца для супольнага адпачынку з калегамі, насычаная праграма,- арганізатарам было чым здзівіць гасцей. У гэты раз «Фармацыя без меж» сабрала ўдвая больш за адмыслоўцаў з раённых цэнтаў, шмат хто з якіх быў на мінулых фэстах і з задавальненнем клікаў калегаў на цяперашняе!
Удзельнікаў мерапрыемства віталі старшыня абласной арганізацыі Беларускага прафсаюза працаўнікоў аховы здароўя Уладзіслаў Робертавіч Галяк, намеснік генеральнага дырэктара Таццяна Аляксандраўна Зарэцкая, старшыня першаснай прафсаюзнай арганізацыі Гродзенскага РУП «Фармацыя» Марыя Аляксандраўна Жытко. Усе адзначалі значнасць «Фармацыі без меж» як не толькі як выдатнай нагоды для сустрэчы з калегамі ў нефармальным становішчы, актыўнага вольнага часу і незабыўных уражанняў, але і стымул да далейшага працягу ўзаемадзеяння кіраўніцтва і прафсаюзнага камітэта ў рамках сацыяльнага партнёрства.
