Святочныя мерапрыемствы стартавалі раніцай у пятніцу, 9 мая, у цэнтры Гродна.
Старшыня Гродзенскага аблвыканкама Юрый Караеў падняў над драмтэатрам копію Сцяг Перамогі.
Потым па цэнтры Гродна прайшлі больш за 20 тысяч гродзенцаў. Жыхары горада прыйшлі з партрэтамі сваіх сваякоў, якія абаранілі Радзіму 80 гадоў таму.
Акцыя "Беларусь памятае" стала самай масавай за ўсю гісторыю яе правядзення. Каля гадзіны спатрэбілася, каб усе ўдзельнікі прайшлі да плошчы Леніна. Сярод іх былі і нашы супрацоўнікі, з партрэтамі сваіх сваякоў - ветэранаў Вялікай айчыннай вайны.
Гродзенцы аб'ядналіся ў адзіным парыве падзякі героям і ветэранам за Перамогу.
А далей - урачысты мітынг, і ўскладанне кветак і вянкоў да Брацкай магілы савецкіх воінаў і партызан у парку Жылібера.
Дзень Перамогі - святое свята, даніна памяці, глыбокай павагі і падзякі савецкім воінам, працаўнікам тылу, партызанам і падпольшчыкам - усім, хто набліжаў Перамогу.
Подзвіг народа, які мы не маем права забыцца.
Мы шмат ведаем пра гістарычныя факты з кніг, з ТБ… але мацней след пакідаюць асабістыя гісторыі.
Носьбітаў гэтых гісторый, нажаль, ужо не так шмат. Але ж кожнага з іх мы павінны памятаць.
У Дзень Перамогі, Таццяна Аляксандраўна Зарэцкая, дэпутат Гродзенскага гарадскога Савета дэпутатаў, уручыла букет Ліліі Андрэеўне Радковай, былой супрацоўніцы Гродзенскага РУП "Фармацыя" і носьбіту адной з такіх гісторый.
Кульмінацыяй афіцыйнай часткі стаў парад, у якім удзельнічалі войскі гарадзенскага гарнізона. Гледачы ўбачылі праходжанне парадных каробак, а таксама сучасную ваенную тэхніку, якая стаіць на ўзбраенні ў беларускай арміі.