Стварэнне ў парку Жылібера ў Гродна алеі дызайнерскіх АРТ-елак ад прадпрыемстваў і арганізацый горада ўжо стала выдатнай пераднавагодняй традыцыяй. Кожны год у гэтай цікавай падзеі бярэ ўдзел і наша прадпрыемства. Арт-елкі ад Гродзенскага РУП «Фармацыя» уражваюць гасцей і жыхароў абласнога цэнтра стылем, цікавымі дэталямі, сапраўднай фармацэўтычнай атмасферай, незвычайнымі аўтарскімі задумкамі і разнастайнасцю, бо кожны год наш праект выглядае абсалютна па-рознаму.
10 снежня адбылося яркае адкрыццё алеі навагодніх АРТ-ялінак і запальванне святочных агнёў на цэнтральнай ялінцы горада.
Каманда нашага прадпрыемства таксама ўзяла ўдзел у святочнай цырымоніі. Дзядуля Мароз, Снягурка і іншыя казачныя героі не пакінулі абыякавымі нікога з прахожых: песні, ігры, прыпеўкі, жарты,- словам, было вельмі весела!
Убачыць фармацэўтычную АРТ-елку і атрымаць эстэтычнае задавальненне можна ў парку Жылібера цягам усіх Навагодніх і Калядных святаў!
