Сусветны дзень змагання з сухотамі (World Tuberculosis Day) адзначаецца па развязку Сусветнай арганізацыі аховы здароўя (САЗ) штогадова 24 сакавіка — у дзень, калі ў 1882 годзе нямецкі мікрабіёлаг Роберт Кох (Robert Koch) абвясціў пра зробленае ім адкрыццё ўзбуджальніка сухотаў.
Узбуджальнікам сухотаў з'яўляецца бактэрыя (Mycobacterium tuberculosis), якая найчасцей паражае лёгкія. Сухоты шырацца ад чалавека чалавеку па паветры. Пры кашлі, чханні ці адхаркванні людзі з лёгкавымі сухотамі вылучаюць у паветра сухотныя бактэрыі. Для інфектавання чалавеку досыць удыхнуць толькі нязначную колькасць такіх бактэрый.
Каля адной чвэрці насельніцтвы свету інфектаваны сухотамі. Гэта азначае, што людзі інфектаваны бактэрыямі сухотаў, але (пакуль яшчэ) не хворыя і не могуць яго перадаваць. Імавернасць таго, што людзі, інфектаваныя сухотнымі бактэрыямі, захварэюць сухотамі на працягу свайго жыцця, складае 5-15%. Людзі з саслабелай імуннай сістэмай, такія як людзі з ВІЧ-інфекцыяй, людзі, якія пакутуюць ад недастатковасці сілкавання, ці людзі з дыябетам, а таксама людзі, якія ўжываюць тытунь, падпадаюць значна больш высокай рызыцы захворвання.
Калі ў чалавека развіваецца актыўная форма сухотаў, сімптомы (кашаль, ліхаманка, начны пот ці страта вагі) могуць заставацца ўмеркаванымі на працягу шмат якіх месяцаў. Гэта можа прыводзіць да запозненага звароту за медычнай дапамогай і перадачы бактэрый іншым людзям. За год чалавек з актыўнай формай сухотаў можа інфектаваць 5-15 чалавек, з якімі ён мае цесныя кантакты. Фтызіятрычная служба пры падтрымцы САЗ звяртае адменную ўвагу да з'яднання высілкаў па змаганні са стыгматызацыяй, дыскрымінацыяй і сацыяльным адчужэннем і пераадоленню перашкод у доступе да якаснай фтызіятрычнай медычнай дапамогі. Гэта з'яўляецца неадменнай умовай для выканання задання па ліквідацыі сухотаў да 2030 г. у рамках Мэт ААН у вобласці ўстойлівага развіцця і Стратэгіі САЗ па ліквідацыі сухотаў да 2030 г. у рамках Мэт ААН у вобласці ўстойлівага развіцця і Стратэгіі САЗ па ліквідацыі сухотаў.
Па матэрыялах САЗ і МЗРБ