Напачатку лютага 2019 года прафсаюзным камітэтам першай прасаюзнай арганізацыі праведзены семінар для прафсаюзных актывістаў. Падчас сустрэчы разгледжаны пытанні пра рыхтоўлю да правядзення справаздачна-выбарнай кампаніі ў першай прафсаюзнай арганізацыі Гродзенскага РУП «Фармацыя»; пра каштарыс прыбыткаў і выдаткаў прафсаюзнага бюджэту на 2019 год; пра аказанне матэрыяльнай дапамогі згодна фонду дапамогі; пра правядзенне фізкультурна-аздараўленчых і спартовых імпрэз па зімовых відах спорта.
Сустрэча праходзіла на базе кабінета гісторыі аптэчнай справы на Гарадзеншчыне. Галіна Міхайлаўна Пятрышча, захоўніца аптэчнага музея, правяла цікавую экскурсію для ўдзельнікаў семінара - асвятліла аптэчную справу ад старажытнасці да сучаснасці, таксама паказала апошнія распрацоўкі, стэнды.
Адзін са стэндаў прысвечаны прафсаюзнаму руху, дзе знайшлі адлюстраванне ўсе перыяды грамадскай чыннасці.
Ніна Серая,
старшыня першай прафсаюзнай арганізацыі
Гродзенскага РУП «Фармацыя»
