Гродзенскае РУП "Фармацыя" з усёй адказнасцю і ўвагай падышло да арганізацыі мерапрыемстваў, прысвечаных Сусветнаму Дню фармацэўта.
Так, 27 верасня ў многіх аптэках горада і вобласці прайшлі Дні адчыненых дзвярэй для наведвальнікаў з удзелам прадстаўнікоў вытворцаў лекавых сродкаў і спецыялістаў аптэк. Акцэнт быў зроблены на асвятленне пытанняў распрацоўкі і ўкаранення інавацыйных лекавых сродкаў і дасягненняў сучаснай фармацэўтычнай прамысловасці.
А 28 верасня быў праведзены навучальны семінар на тэму: «Навуковыя даследаванні ў сферы распрацоўкі і вытворчасці лекавых сродкаў і іх ўкараненне ў практыку». Удзельнікі змаглі павысіць узровень ведаў у галіне сучасных тэхналогій айчыннай фарміндустрыі, а таксама азнаёміцца з перспектывамі распрацоўкі лекавых сродкаў для лячэння анкалагічных захворванняў.
З найцікавымі дакладамі выступілі:
- Вольф Сяргей Барысавіч - доктар медыцынскіх навук, прафесар, прарэктар па навуковай рабоце УА "ГрДМУ"
- Капіца Яўген Віктаравіч - намеснік начальніка аддзела прасоўвання і рэкламы РУП «Белмедпрэпараты»
- Шаракоў Аляксандр Аляксандравіч - кандыдат фармацэўтычных навук, начальнік аддзела кантролю якасці СТАА «Лекфарм»
- Кладкевiч Сяргей Васільевіч - лекар, кіраўнік аддзела продажаў SupHerb
Варта адзначыць, што арганізацыя такога маштабнага мерапрыемства стала магчымай дзякуючы намаганням Гродзенскага аддзялення рэспубліканскага грамадскага аб'яднання фармацэўтычных работнікаў «ФАРМАБЕЛ».
