15 мая адзначаецца Міжнародны дзень сям'і, а, як вядома, шчаслівая сям'я пачынаецца са здароўя. Спецыялісты аптэк Гродзенскага РУП "Фармацыя" як нельга лепш ведаюць пра важнасць прафілактыкі захворванняў, таму напярэдадні свята ў аптэцы №49 прайшла акцыя з удзелам медыцынскага работніка арганізацыі аховы здароўя.
Падчас мерапрыемства для наведвальнікаў даводзіліся асноўныя правілы прафілактыкі захворванняў, ажыццяўляўся кантроль артэрыяльнага ціску, даваліся простыя, але вельмі важныя парады па рацыянальным самалячэнні і фарміраванню здаровага ладу жыцця.