Шосты раз работнік Гродзенскага РУП "Фармацыя" Наталля Аляб'ева з дзецьмі прымае ўдзел у парадзе калясак
На гэты раз заўсёднікі яркага свята стылізавалі каляску па матывах твора Эдуарда Успенскага «Кракадзіл Гена і яго сябры» і аднайменнага мультфільма. У ролі галоўных персанажаў - Кракадзіла Гены і Чабурашкі - выпускнік першага класа Дзіма і ўчарашні дзіцячы садок Рома. Іх маці Наталля Аляб'ева працуе камплектоўшчыкам тавараў на аптэчным складзе Гродзенскага РУП «Фармацыя». Прыгожая яркая сям'я шосты раз у складзе калоны крэатыўных калясак прайшлася па цэнтральных вуліцах абласнога цэнтра. Сама ж калыска на гэты раз была ў выглядзе скрыні з апельсінамі. - З сынам-першакласнікам чыталі гэтую казку, адсюль і ідэя для парада. Каб яе ўвасобіць у жыццё, спатрэбілася чатыры гадзіны. У мінулыя гады мы звярталіся да казак пра Доктара Айбаліта і Бураціна, мульціку пра Фіксікаў, - распавядае Наталля.
Акрамя Наталлі Аляб'евай, Гродзенскае РУП «Фармацыя» на парадзе калясак сёлета прадстаўлялі Антонава Марыя Аляксандраўна, правізар-рэцэптар аптэкі №237 г.Гродна, Мерляк Вераніка Аляксандраўна, загадчык аптэкі №260 г.Гродна.
Падтрымлівалі ўдзельнікаў намеснік генеральнага дырэктара Зарэцкая Таццяна Аляксандраўна, старшыня Гродзенскай абласной арганізацыі Беларускага прафсаюза работнікаў аховы здароўя Уладзіслаў Рабертавіч Голяк, які адзначыў высокую актыўнасць членаў галіновага прафсаюза, уручыў удзельнікам падарункі.