«Позва» стала прыемнай нечаканасцю, - дзеліцца эмоцыямі аб незвычайным віншаванні к 23 лютага Цалко Валерый, правізар інфармацыйна-даведачнага аддзела.
Напярэдадні свята мужчынам Гродзенскага РУП "Фармацыя" ва ўрачыстай абстаноўцы была ўручана «позва» з запрашэннем на зборы, прысвечаныя Дню абаронцы Айчыны.
На пытанне пра ўражанні Валерый адзначае, што супрацоўніцы прадпрыемства падрыхтавалі насычаную і цікавую праграму. Так, у імправізаваным шоу "Інтуіцыя" ўдзельнікам прыйшлося пазнаваць калегаў сярод вясёлых радкоў чатырохрадкоўяў. Задача аказалася пад сілу, дазволіла працаўнікам лепш даведацца адзін аднаго і наладзіла на пазітыўную хвалю. Каларытны гараскоп парадаваў мужчын цікавымі дэталямі і рысамі кожнага знака задыяку.
Праявіць свае назапашаныя, і, магчыма, нераскрытыя, веды ў галіне музычнага мастацтва ўдзельнікі змаглі ў «квэсце» на веды сучасных і не вельмі песень. Конкурс, без сумневу, падарыў мора ўсмешак не толькі знаўцам творчасці Ірыны Аллегровой і Рыгора Лепса, але і гледачам.
«Хуткасць і эрудыцыя» сталі дэвізам да спаборніцтва па хуткіх адказаў на пытанні з самых розных абласцей. Мужчыны з ходу называлі нацыянальныя музычныя інструменты, стравы, фільмы, якасці, якім хацелі б навучыцца, і нават сацыяльныя сеткі, у якіх зарэгістраваныя.
І, вядома, для віноўнікаў урачыстасці былі падрыхтаваныя падарункі і шмат цёплых слоў.
Мы жадаем нашым калегам-мужчынам заўсёды заставацца моцнымі, мудрымі, упэўненымі, смелымі, непераможнымі абаронцамі сваіх сем'яў, сваіх ідэй, сваіх імкненняў і сваіх жыццёвых прынцыпаў. Моцнага Вам здароўя, вялікіх магчымасцяў на жыццёвым шляху, нястомных сіл і годных перамог!
