Што ж, на запыт «як вызначыць сапраўднага лідэра», Google можа прапанаваць Вам тысячы і тысячы спосабаў і прыкмет, па якіх можна сказаць, што так, перад вамі 100% кіраўнік-профі. Сярод самых топавых прыкмет адзначаюцца здольнасць аб'ядноўваць людзей, весці іх да агульных высокіх мэтаў, спрыяць росту і развіццю...але паверце, пазнаць лідэра значна прасцей.
Супрацоўнікі нашага прадпрыемства гатовыя падзяліцца сакрэтам, як калектыў з больш чым 1000 чалавек можа ператварацца ў адзіную каманду, гатовую пераадольваць любыя цяжкасці і вырашаць самыя складаныя задачы, быць на перадавой барацьбы з пандэміяй, укараняць найноўшыя ідэі і ставіць перад сабой высокаўзроўневыя мэты, і не толькі ставіць, але і дасягаць іх, дасягаць пад кіраўніцтвам актыўнага, харызматычнага і амбіцыйнага лідэра. Мы хочам расказаць пра Сяргея Уладзіміравіча Літоша, генеральнага дырэктара Гродзенскага РУП "Фармацыя". Тым больш, што ёсць важная нагода, і радасная, і трохі сумная адначасова. Радасная, таму што мы вельмі ганарымся тым, што менавіта наш Сяргей Уладзіміравіч прызначаны новым лідэрам найбуйнейшай і цэнтральнай аптэчнай сеткі нашай краіны - прадпрыемства РУП "БЕЛФАРМАЦЫЯ", з чым яго шчыра і ад душы віншуем, а сумны ... але, пра ўсё па парадку.
У кастрычніку 2017 года Сяргей Уладзіміравіч стаў генеральным дырэктарам Гродзенскага РУП "Фармацыя". За гэты час наша каманда пад яго кіраўніцтвам змагла шмат чаго дасягнуць і шмат што пераадолець, - адкрыць дзясяткі новых аптэк ва ўсіх кутках Гродзеншчыны, адчыніць дзверы аптэк новага тыпу з адкрытай выкладкай і проста "бясконцым" асартыментам, паўнавартасна ўкараніць сістэму электроннага рэцэпта, завяршыць будаўніцтва сучаснага аптэчнага склада, авалодаць сімпатыяй падпісчыкаў у сацыяльных сетках, заваяваць шматлікія ўзнагароды ўва ўсіх сферах нашай дзейнасці ад спартыўных кубкаў да прэстыжнай інтэрнэт-прэміі ТІБО, павысіць узровень англійскай мовы, разам праводзіць вольны час, надоўга зараджаючыся пазітывам і яркімі эмоцыямі, разам змагацца з сусветнай пандэміяй, пакідаючы за спінаю складаныя моманты ў працы... разам.
22 чэрвеня калегі з розных аддзелаў і службаў прадпрыемства, цэнтральных раённых і гарадскіх аптэк выказвалі шчырыя словы падзякі Сяргею Уладзіміравічу, адзначалі яго ўменне аб'ядноўваць людзей у любых сітуацыях, весці наперад, знаходзіць патрэбныя словы і аптымальныя выхады ў няпростых абставінах, матываваць і прымаць смелыя рашэнні, адкрываць новыя перспектывы і захоўваць традыцыі. Цёплыя і душэўныя словы гучалі ад намесніка генеральнага дырэктара Таццяны Аляксандраўны Зарэцкай. Старшыня першаснай прафсаюзнай арганізацыі Кацярына Станіславаўна Барысеевіч распавяла аб высокім узроўні сацыяльнага партнэрства паміж кіраўніком і супрацоўнікамі Гродзенскага РУП «Фармацыя», пра гатоўнасць лідэра прадпрыемства аказваць усялякую падтрымку работнікаў і спрыяць ўмацаванню карпаратыўнага духу.
Варта сказаць, што, сапраўды, імя #ФармацыяГродна стала брэндавым, за ім стаіць якасць, стыль, павага, і кожны, хто працуе тут, дакладна ведае што мы «самыя актыўныя, крэатыўныя, паспяховыя, лепшыя», бо менавіта ў гэтым упэўнены наш выдатны, мэтанакіраваны і таленавіты лідэр, Сяргей Уладзіміравіч Літош.
Дзякуй Вам!
