Напярэдадні Навагодніх і Калядных святаў Гродзенскае РУП «Фармацыя» зрабіла выдатны падарунак для жыхароў і гасцей абласнога цэнтра - адкрыла новую аптэку №169 па вуліцы Воінаў-Інтэрнацыяналістаў,12 (у будынку дзіцячай амбулаторыі).
Ва ўрачыстай цырымоніі адкрыцця ўзяў удзел кіраўнік адміністрацыі Кастрычніцкага раёна горада Гродна Бялінскі Алег Генадзевіч, генеральны дырэктар Гродзенскага РУП "Фармацыя" Баравік Віталь Рыгоравіч, намеснік генеральнага дырэктара Гродзенскага РУП "Фармацыя" Зарэцкая Таццяна Аляксандраўна.
У новай аптэцы наведнікаў чакае багаты выбар лекавых прэпаратаў, вырабаў медыцынскага прызначэння, медычнай тэхнікі, біялагічна актыўных дадаткаў да ежы і касметычных сродкаў. Уважлівыя і кваліфікаваныя спецыялісты не толькі дапамогуць выбраць патрэбны сродак для лячэння і прафілактыкі захворванняў, але і пракансультуюць па пытаннях захоўвання лекавых прэпаратаў у хатніх умовах і рацыянальнага самалекавання.
