Рэкамендацыі, як пазбегнуць галалёдных пашкоджанняў:
- у перыяд галалёду патрэбна захоўваць асцярожнасць, перасоўвацца павольна, кароткімі крокамі;
- абутак павінен адпавядаць надвор'ю. Пажадана, каб падэшва была рабрыстай. Кабетам варта на час галалёду цалкам адмовіцца ад высокіх абцасаў і шпілек - яны пры галалёдзе зусім недарэчныя;
- калі вы адчуваеце, што падаеце, - патрэбна па магчымасці прысесці, апусціцца ніжэй. Гэта зменшыць кінетычную энергію ўдару;
- не трэба спрабаваць "зваліцца хораша", чым звычайна пакутуюць кабеты. Патрэбна максiмальна згрупавацца, а валіцца пажадана на бок;
- пры паданні няможна выстаўляць убакі рукі ці ногі, таму што кожная такая канцавіна прымае на сябе ў гэтым выпадку ўсю сілу ўдару і можа быць траўмавана, бо ўся кінетычная энергія пры гэтым пераносіцца ў адну кропку;
- патрэбна максiмальна сцерагчыся падання на спіну, удару патыліцай. Бо пакалечанні хрыбетніка і чэрапна-мазгавыя траўмы могуць быць вельмі цяжкімі і лечацца доўга, а ў шэрагу выпадкаў небяспечныя і смяротным выйсцем;
- пры паданні ратаваць варта не маёмасць, а сябе - торбы і іншыя прадметы трэба выкінуць з рук і групавацца ўсімі канцавінамі.
Праўда, упэўнены лекары, абсалютнай большасці галалёдных пашкоджанняў можна было б пазбегнуць, калі б людзі ставіліся да свайго здароўя больш уважліва. Бо для таго каб атрымаць такое пашкоджанне, досыць адной секунды, а лячыцца даводзіцца часам месяцамі. Таму прафілактыка галалёдных пашкоджанняў - заданне, найперш, саміх грамадзянаў, якія яшчэ не сталі пацыентамі.
Калі вы зваліліся:
- патрэбна выконваць спакой і ні ў якім разе не спрабаваць адразу ўстаць, асаблiва на пашкоджаную канцавіну. Спачатку варта вызначыць, што менавіта ў вас траўмавана;
- катэгарычна забаронена спрабаваць займацца самалекаваннем: прыкладам, спрабаваць самастойна ўправіць вывіх ці тым больш пералом адкрыта на месцы здарэння. Гэта павінен рабіць толькі спецыяліст;
- калі вы адчуваеце, што пасля падання не можаце ўстаць на ногі, патрэбна дастаць мабільны тэлефон і патэлефанаваць у службу 103, расказаць яе спецыялістам пра сітуацыю. Калі вы не можаце патэлефанаваць самі - паклічце каго-небудзь на дапамогу. Па тэлефоне вам або дадуць адпаведныя рэкамендацыі, што рабіць далей, або скіруюць да вас брыгаду хуткай дапамогі