У 2009 годзе «Еўрапейская тырэоідная асацыяцыя» выступіла з ініцыятывай вылучыць пэўны дзень у календары, прысвечаны захворванням шчытавістай залозы, у звязку з актуальнасцю праблемы.
Праблемы са шчытавістай залозай сустракаюцца ў кабет у восем разоў гушчару, чым у мужчынаў. Рак шчытавістай залозы сустракаецца ўдвая гушчару ў кабет, чым у мужчынаў. У апошнія дзесяцігоддзі ўсталяваны довады ўплыву дысфункцыі шчытавістай залозы на развіццё ці неспрыяльную плынь іншых захворванняў. Сусветны Дзень шчытавістай залозы закліканы прыцягнуць увагу да праблемы прафілактыкі і ранняга выяўлення захворванняў шчытавістай залозы, а таксама падвышэнню якасці і даступнасці медычнай дапамогі ў гэтай вобласці. У гэты дзень у розных краінах свету праводзяцца імпрэзы, мэту якіх павялічыць ровень інфармаванасці насельніцтва пра захворванні шчытавістай залозы, метады іх лячэння і прафілактыкі, дармовае абследаванне насельніцтва, серыі навукова-практычных канферэнцый для адмыслоўцаў. Шчытавістая залоза – гэта самая вялікая ў эндакрыннай сістэме чалавека, змесцавана на пярэдняй паверхні шыі пад гартанню перад трахеяй, мае форму бабачкі, складаецца з дзвюх дзеляў, злучаных паміж сабой пярэсмыкам. Сярэдняя вага шчытавістай залозы сталага чалавека складае 15-30 г.
Праявы параз шчытавістай залозы шматстайныя. Парушэнні функцыі шчытавістай залозы выяўляюцца такімі захворваннямі як гіпатырэёз (змяншэнне актыўнасці шчытавістай залозы) і гіпертырэёз (павелічэнне актыўнасці шчытавістай залозы). Пры падозранні на захворванні шчытавістай залозы праводзяць медычнае абследаванне, прызначаюцца агульныя даследаванні і аналізы: агульны аналіз крыві, агульны аналіз мачы, біяхімічны аналіз крыві, вызначэнне роўня халестэрыну, рэнтгенаграфія грудной клеткі, электракардыяграма. У кожным пэўным выпадку метады дыягностыкі падбіраюцца індывідуальна.
Па інфармацыі з адкрытых крыніц