31 кастрычніка 2021 года стаў апошнім працоўным днём для ветэрана аптэчнай сеткі Лідчыны – Маршчанка Галіны Станіславаўны.
Правізар найвысокай катэгорыі, Выдатнік аховы здароўя РБ – такі прафесійны статус мае яна сёння. А прафесійны стаж Галіны Станіславаўны выклікае павагу – больш за 45 гадоў прысвяціла яна аднойчы абранай і сталай любай прафесіі.
Нарадзілася Галіна Станіславаўна ў вёсцы Шастакі Дзятлаўскага раёна Гарадзенскай вобласці. Сваю працоўную дзейнасць пачынала ў далёкім 1976 годзе пасля сканчэння фармацэўтычнага аддзялення Магілёўскай медычнай вучэльні на пасадзе загадніка аптэкі №105 д.Селіванаўцы Гродзенскага раёна, потым пераведзеная на пасаду загадніка аптэкі №127 в.Гезгалы Дзятлаўскага раёна, бліжэй да роднай хаты. У 1978 годзе паступіла ў Пермскі фармацэўтычны інстытут на завочнае навучанне. У 1981 годзе пераехала жыць у г.Ліда, дзе пачала працаваць хімікам-аналітыкам у аптэцы №4. У 1982 годзе была прызначана намеснікам загадніка аптэкі №130 г.Ліда, а з 1995 года – і загаднікам гэтай аптэкі.
Жыццярадасная, выканаўчая, ініцыятыўная, камунікабельная, умее знайсці падыход не толькі да кожнага супрацоўніка, але і да кожнага наведніка аптэкі, выдатны прафесіянал, вымагальная, справядлівая, энергічная, мэтлівая, здольная хутка прымаць адказныя развязкі, захапляецца моладдзю, дасведчаны настаўнік для маладых адмыслоўцаў – такія характарыстыкі даюць ёй калегі.
Галіна Станіславаўна ўнесла вялікі ўнёсак у развіццё аптэкі № 130. За гады яе кіраўніцтва аптэка набыла сучасны выгляд, неаднаразова была пераможцам агляду-конкурсу «Аптэка года» сярод аптэк другой катэгорыі вобласці.
Любыя заняткі Галіны Станіславаўны – чытанне, падарожжы, экскурсіі, а яшчэ знаходжанне на прыродзе, якая падсілкоўвае яе ў цяжкія моманты жыцця, наведанне бацькоўскай хаты на Дзятлаўшчыне, дзе яна чэрпае энергію і жыццёвую сілу.
Жадаем Галіне Станіславаўне на доўгія гады здароўя, радасці, аптымізму, упэўненасці ў заўтрашнім дне, дабрабыту, поспеху, грандыёзных планаў і іх паспяховага ўвасаблення ў жыццё.
P.S. 8 лістапада 2021 года, адпачыўшы ўсяго адзін тыдзень, Галіна Станіславаўна прыступіла да працы ў пасадзе правізара-рэцэптара ў аптэцы №51 г.Ліда Жадаем ёй поспехаў на новым месцы.
Правізар-рэцэптар ЦРА №146 Мацкевіч Г.И.