Вясна… Якая выдатная пара года! Пара, у якой спалучаюцца абуджэнне прыроды, першае цёплае сонца, доўгі дзень, бросненні ўсяго жывога з п'янлівым водарам вакол. Нездарма Міжнародны жаночы дзень адзначаецца менавіта ўвесну, у самую маляўнічую пару года!
Спрадвечна гэта свята мела фемінісцкую прапаганду, калі жанчыны змагаліся за раўнапраўе і аплату працы нароўні з мужчынамі. У наш час у развітых краінах дадзеная праблема выкаранілася практычна цалкам, кабеты могуць асвоіць амаль кожную ўпадабаную прафесію, могуць браць удзел у палітычных дэбатах, займаць палітычныя і кіроўныя пасады. Але існуе адно вялікае АЛЕ, ва ўсім гэтым багацце магчымасцяў ніводная дзяўчынка, дзяўчына ці жанчына не можа пражыць без увагі. Толькі ў атачэнні кампліментаў і прыемных словаў жанчына расквітае! А свет наш не можа існаваць без жаночай прыгажосці, усмешкі, чароўнасці, дабрыні, клопату і цяпла. Бо жанчына,- гэта і клапатлівая мама, суперажываючая і ўважлівая дачка, і нявестка, закаханая сястра, галоўная апора, сябар і дарадца мужа. Усё гэта атрымоўваецца спалучаць у сабе кабеце. Таму нам, жанчынам, так прыемна зрэдку пабыць слабымі і ўразлівымі, расчырванецца ад банальных кампліментаў, пацешыцца колерам і неспадзеўкам.
Сёлета нашаму жаночаму калектыву аптэкі №49 пашчасціла адзначаць гэта жаночае свята ў коле хоць і адзінага, але мужчыны. У струмені шматлікіх наведнікаў і паглынаннем думкамі пра працу адчуванне свята адсутнічала, што ў момант выправіў наш калега, Пабярэжны Зміцер Фёдаравіч. Дзякуючы яго старанням уміг з'явіўся святочны настрой.
Выдатныя словы пра «надзейных баявых сябровак» і жаночую прыгажосць скарылі нашы сэрцы. Галоўнай неспадзеўкай гэтага свята быў цудоўны падарунак: кожная супрацоўніца нашай аптэкі атрымала найпрыгожую белую архідэю з рук Змітра Фёдаравіча.
Упэўнены, зараз 8 сакавіка стане самым любым святам у нашай аптэцы!
Любыя дамы, супрацоўніцы Гродзенскага РУП «Фармацыя»!
З першым вясновым святам вас! Хай ваша жаноцкасць і прыгажосць не перастае цешыць мужчынскае вока. Шчыра жадаем вам нязгасны вясновы настрой, сонечныя дні, каханне і ўвагу.
Алеся Парфеева,
прафгрупорг аптэкі №49 г.Гродна