У сёлетнім годзе наша прадпрыемства стала першым месцам працы для 35 правізараў і фармацэўтаў. Традыцыйна напачатку працоўнага шляху адміністрацыя і прафкам збіраюць моладзь у абласным цэнтры і ўладкоўваюць для іх яркае свята. У гэты раз яно прайшло у фармаце інтэлектуальнай гульні, сабраных за ігравымі сталамі вiталi намеснік генеральнага дырэктара Гродзенскага РУП “Фармацыя” Таццяна Аляксандраўна Зарэцкая, старшыня абласной арганізацыі Беларускага прафсаюза працаўнікоў аховы здароўя Уладзіслаў Робертавіч Галяк, старшыня першаснай прафсаюзнай арганізацыі Гродзенскага РУП «Фармацыя» Марыя Жытко.
Дакладчыкi звярнулі ўвагу дзяўчат i хлопцаў на высокія дасягненні і поспехі дзяржаўнай аптэчнай сеткі Гарадзеншчыны, пашыраныя дадатковыя гарантыі паводле калектыўнай дамовы, у тым ліку і для маладых спецыялістаў, а таксама выказалі ўпэўненасць у тым, што кожны малады спецыяліст стане сапраўдным прафесіяналам. А самі маладыя ўдзельнікі імпрэзы падрыхтавалі для гледачоў вакальныя нумары і вясёлыя мініяцюры.
На памяць моладзі былі ўручаны сувеніры і «Даведнікі маладога спецыяліста».
У рамках свята адбылася ўрачыстая падзея- загаднік аптэкі №135 г.Гродна Бабіч Ганна Станіславаўна была ўзнагароджана нагрудным знакам "Выдатнік аховы здароўя". Аптэка №135 з'яўляецца "роднай" для шмат якіх пакаленняў маладых спецыялістаў і студэнтаў, якія праходзяць тут практыку, якія з цеплынёй успамінаюць мудрае настаўніцтва Ганны Станіславаўны.
