Супрацоўнікі Гродзенскага РУП «Фармацыя» сёння ўзялі ўдзел у акцыі «Імя табе - Пераможац», прысвечанай Году гістарычнай памяці і Дню Перамогі. У патрыятычнае мерапрыемства ўключылася не толькі моладзь прадпрыемства, але і намеснік генеральнага дырэктара Зарэцкая Таццяна Аляксандраўна і старшыня першаснай прафсаюзнай арганізацыі Жытко Марыя Аляксандраўна. Удзельнікі наведалі месцы пахаванняў людзей, чый подзвіг і праца спрыяла набліжэнню Вялікай Перамогі.
Супрацоўнікі навялі парадак на абеліску ў гонар савецкіх ваяроў, якія ўдзельнічалі ў вызваленні нашай краіны ў гады Вялікай айчыннай вайны ў вёсцы Загараны. У ліпені 1944 года тут ваявалі байцы 455 стралковага палка, цягам 3-х сутак адбівалі контратаку праціўніка. Таксама ўдзельнікі акцыі наведалі магілы працаўнікоў Гродзенскага РУП «Фармацыя», якія трудзіліся на нашым прадпрыемстве: Бунімовіча Уладзіміра Іванавіча (1921-1999), Гаменюка Паўла Яхімавіча (1914-1996), Дзяменцьева Пятра Мікалаевіча (1922-1986). Таксама ўдзельнікі акцыі наведалі старыя гарадскія могілкі, дзе пахаваны аптэкар Міхал Кандратавіч, які жыў напачатку 19 стагоддзя.
Усе ўдзельнікі адзначылі, што такая акцыя не толькі спрыяла ўмацаванню карпаратыўнага духу, але і дазволіла пазнаць шмат якія факты з гісторыі Гродзенскага РУП «Фармацыя» і яе працаўнікоў.
