Цэнтральная раённая аптэка №65 гарадскога пасёлка Карэлічы арганізавала інтэрактыўную выставу-прэзентацыю ў рамках урачыстага мерапрыемства па падвядзенні вынікаў працы Карэліцкага раёна за 2020 год у раённым Цэнтры культуры і народнай творчасці. Наведнікі змаглі пазнаёміцца з дасягненнямі Гродзенскага РУП «Фармацыя» у рэгіёне, паўдзельнічаць у конкурсе загадак, пазнаць свежыя навіны ў вобласці медыцыны і фармацыі. Прэзентацыя выклікала вялікую цікавасць, госці з задавальненнем разглядалі аптэчныя экспанаты і задавалі разнастайныя пытанні. Гэта ўжо не першая інтэрактыўная пляцоўка ЦРА№65 Карэлічскага раёна, але штораз фармацэўтычныя спецыялісты з задавальненнем расказваюць жыхарам рэгіёна пра сваю гісторыю і перспектывы.